فرمان الہی
نماز کے اوقات
سابق اسپیکر قومی اسمبلی اسد قیصر کی تھری ایم پی او کے تحت گرفتاری کے خلاف پشاور ہائی کورٹ میں درخواست دائر کردی گئی۔
عدالت عالیہ پشاور میں اسد قیصر کی گرفتاری کو چیلنج کیا گیا اور کہا گیا کہ پشاور ہائیکورٹ نے سابق اسپیکر قومی اسمبلی کو کسی مقدمے میں گرفتار نہ کرنے کا حکم دیا تھا۔
درخواست میں موقف اختیار کیا گیا کہ ایک میں مقدمے میں رہائی ملتے ہی دوسرے مقدمے میں گرفتار کرلیا جاتا ہے، اسد قیصر کو انتخابی مہم چلانے سے روکنے کےلیے تھری ایم پی او کے تحت گرفتار کیا گیا۔
درخواست میں عدالت عالیہ پشاور سے استدعا کی گئی کہ اسد قیصر کی تھری ایم پی او کے تحت گرفتاری معطل کی جائے۔
درخواست میں ڈی پی او اور ڈی سی صوابی، صوبائی حکومت اور آئی جی خیبرپختونخوا کو فریق بنایا گیا ہے۔
دو روز قبل سابق سپیکر قومی اسمبلی کو 9 مئی واقعات میں جب ضمانت ملی تو صوابی کے ڈی سی کی جانب سے تھری ایم پی او کے حکم پر گرفتار کیا۔
اسد قیصر نے سنکدر حیات شاہ ایڈووکیٹ کی توسط سے تھری ایم پی او کے تحت گرفتاری پشاور ہائیکورٹ میں چینلج کی ہے۔
