فرمان الہی
نماز کے اوقات
غزہ میں اسرائیل کی وحشیانہ بمباری سے 24 گھنٹوں میں 150 فلسطینی شہید ہو گئے۔
فلسطینی وزارتِ صحت کے مطابق اسرائیلی حملوں میں ایک دن میں 286 افراد زخمی ہوئے جبکہ شہید فلسطینیوں کی تعداد 21 ہزار 822 ہوگئی ہے۔
فلسطینی وزارتِ صحت کے مطابق اسرائیلی حملوں میں زخمیوں کی مجموعی تعداد 56 ہزار451 ہوگئی ہے۔
عرب میڈیا کے مطابق وسطی غزہ میں گھروں پر اسرائیلی بم باری سے 186 افراد زخمی بھی ہوئے ہیں۔
غیر ملکی میڈیا کے مطابق اسرائیلی اب تک 2 لاکھ 90 ہزار سے زائد مکانات ناقابلِ رہائش ہو چکے ہیں۔
دوسری جانب لبنان میں اسرائیلی فوج اور حزب اللّٰہ کے جنگجوؤں کے درمیان جھڑپیں جاری ہیں، اسرائیلی طیاروں نے لبنان کے علاقوں بنت جبیل، مروحین اور کفرکیلا پر حملے کیے۔
عرب میڈیا کے مطابق اسرائیلی ڈرونز نے یارون کے علاقے میں ایک گاڑی کو نشانہ بنایا جبکہ توپ خانوں سے دیگر لبنانی سرحدی علاقوں کے آس پاس بھی گولہ باری کی گئی۔
عرب میڈیا کے مطابق لبنان میں اسرائیلی حملے میں حزب اللّٰہ کے 5 اور شام میں 3 افراد شہید ہوئے جبکہ حزب اللّٰہ نے اسرائیل پر 4 حملوں کی ذمے داری قبول کی ہے۔
