فرمان الہی
نماز کے اوقات
ٹیکسلا (این این آئی)سابق وزیر داخلہ چوہدری نثار نے کہا ہے کہ بانی پی ٹی آئی 54 سال سے میرے دوست ہیں، وہ اس وقت مشکل میں ہیں، کس طرح تنقید کروں، ن لیگ میرے ہاتھوں میں پیدا ہوئی اور پلی بڑھی، ن لیگ میں 35 سال گزارے ان پر تنقید کرنا اچھا نہیں لگتا۔جلسے سے خطاب کرتے ہوئے چوہدری نثار نے کہا کہ مخالفین پر تنقید پسند نہیں، کارکردگی پر بات کرنا چاہتا ہوں۔چوہدری نثار نے کہا کہ (ن )لیگ سے اپنی عزت نفس کی خاطر ناراض ہوا، بزرگوں کے سامنے تو ہاتھ باندھ کر کھڑا ہوسکتا ہوں مگر بچوں کے سامنے نہیں۔سابق وزیر داخلہ نے کہا کہ مخالفین کو 8 فروری کو میرا ووٹر جواب دیگا، میرے مخالف نے پی آئی اے کا بھٹا بٹھایا۔چوہدری نثار نے کہا کہ کسی سیاسی جماعت کی دم پکڑ کر نہیں بلکہ عوام کی طاقت سے ایم این اے بنوں گا، پچھلی بار کی طرح آپ کے ووٹ پر ڈاکا نہیں ڈالنے دوں گا۔
