فرمان الہی
نماز کے اوقات
چیئرمین پاکستان پیپلز پارٹی (پی پی پی) بلاول بھٹو زرداری نے کہا ہے کہ ہم تو میدان میں اتر چکے ہیں، ن لیگ کا امیدوار کون ہے؟
لاہور میں ورکرز کنونشن سے خطاب کرتے ہوئے چیئرمین پی پی کا کہنا تھا کہ پیپلز پارٹی لاہور میں بھی الیکشن کےلیے تیار ہے۔
انہوں نے کہا کہ مل کر دن رات محنت کریں گے، عوام کی آواز بنیں گے۔
بلاول بھٹو کا کہنا تھا کہ 8 فروری کو ملک میں عام انتخابات ہو رہے ہیں، ہم تو میدان میں اتر چکے ہیں، ن لیگ کا امیدوار کون ہے؟
چیئرمین پی پی پی نے کہا کہ سنا تھا این اے 127 میں ن لیگ کا راج ہے لیکن وہ یہاں نظر نہیں آ رہے، این اے 127 پر پی ٹی آئی بھی نظر نہیں آ رہی۔
انکا کہنا تھا کہ اختلافات کو بھلا کر ایک ماہ سخت جدوجہد کرنی ہے۔ ہم پیچھے ہٹنے، گھبرانے، جھکنے اور ڈرنے والے نہیں۔
