فرمان الہی
نماز کے اوقات
پہلے میچ میں شکست کے بعد شاہینز کیویز پر جھپٹنے اور سیریز کو برابری پر لانے کےلیے بیتاب ہیں۔ دونوں ٹیموں کے درمیان پانچ میچوں کی سیریز کا دوسرا ٹی ٹوئنٹی کل ہملٹن میں کھیلا جائے گا۔
پاکستان کرکٹ ٹیم آج صبح آکلینڈ سے ہملٹن پہنچی، ہوٹل میں کچھ دیر آرام کے بعد ٹیم کے پانچ کھلاڑی پریکٹس کےلیے گراؤنڈ پہنچے۔
ان کھلاڑیوں میں محمد نواز، حسیب اللّٰہ، صاحبزادہ فرحان، وسیم جونیئر اور زمان خان شامل تھے جو پہلا ٹی20 میچ نہیں کھیلے تھے۔
پانچوں کھلاڑیوں نے پہلے کیچز کی بھرپور پریکٹس کی، پھر بیٹنگ اور بولنگ کی ٹریننگ کی۔
پاکستان اور نیوزی لینڈ کے درمیان دوسرا ٹی ٹوئینٹی کل کھیلا جائے گا سیریز میں کیوی ٹیم کو ایک صفر کی برتری حاصل ہے۔
