فرمان الہی
نماز کے اوقات
غزہ میں گزشتہ 24 گھنٹوں کے دوران اسرائیلی حملوں میں مزید 165 فلسطینی شہید اور 290 زخمی ہو گئے۔
فلسطینی وزارتِ صحت کے مطابق غزہ میں شہید فلسطینیوں کی تعداد 26 ہزار 422 ہو گئی ہے۔
شہید فلسطینیوں میں 11 ہزار سے زائد بچے اور 7500 خواتین شامل ہیں۔
علاوہ ازیں اسرائیلی فوج کی مغربی کنارے میں چھاپہ مار کارروائیاں بھی جاری ہیں۔
عرب میڈیا کے مطابق رات گئے الخلیل اور نابلس میں چھاپوں میں 9 فلسطینیوں کو گرفتار کر لیا گیا۔
دوسری جانب اسرائیل کا ممکنہ معاہدے میں قیدیوں کی رہائی کے لیے غزہ میں 2 ماہ کے لیے جنگ روکنے کا امکان ہے۔
غیر ملکی میڈیا کے مطابق امریکی مذاکرات کار ایک ممکنہ معاہدے پر پیش رفت کر رہے ہیں جس کے تحت حماس 100 سے زائد اسرائیلی مغویوں کو رہا کرے گی۔
رپورٹس کے مطابق ممکنہ معاہدہ جنگ کو مکمل طور پر ختم نہیں کرے گا لیکن امریکی حکام کو امید ہے کہ یہ معاہدہ تنازع کے حل کے لیے بنیاد رکھ سکتا ہے۔
