فرمان الہی
نماز کے اوقات
سعودی وزیرِ خارجہ شہزادہ فیصل بن فرحان نے کہا ہے کہ سعودی عرب کی اولین ترجیح جنگ بندی اور غزہ سے اسرائیل کا انخلاء ہے۔
میونخ کانفرنس سے خطاب کرتے ہوئے سعودی وزیرِ خارجہ نے کہا کہ غزہ میں مکمل جنگ بندی کے بغیر اسرائیل کے ساتھ تعلقات معمول پر نہیں آ سکتے۔
انہوں نے کہا کہ فلسطینی ریاست کا قیام ہی مشرقِ وسطیٰ میں امن کا واحد حل ہے، ترجیحی بنیادوں پر غزہ میں انسانی المیے پر توجہ دینے کی ضرورت ہے۔
سعودی وزیرِ خارجہ شہزادہ فیصل بن فرحان نے یہ بھی کہا کہ ہنگامی بنیادوں پر غزہ میں امداد کی رسائی کو یقینی بنایا جائے۔
اس سے قبل گزشتہ روز انہوں نے برطانوی اور کینیڈین ہم منصبوں سے بھی ملاقات کی تھی۔
سعودی وزیرِ خارجہ کی برطانوی سیکریٹری خارجہ سے ہونے والی ملاقات میں غزہ اور اس کے گرد و نواح کی صورتِ حال میں تازہ ترین پیش رفت کے ساتھ ساتھ بحران کو کم کرنے کی بین الاقوامی کوششوں پر بھی تبادلۂ خیال کیا گیا۔
