وفاقی وزیر داخلہ چوہدری نثار علی خان نے کراچی میں اسٹریٹ کرائم میں روز افزوں اضافے کا اعتراف کرلیا ہے ،ان کا کہناتھاکہ شہر قائد ؒ میں دہشت گردی ،بھتا خوری ،اغوا برائے تاوان اور ٹارگٹ کلنگ تو کم ہوگئی ہے مگر اسٹریٹ کرائم بڑھ گئے ہیں۔
اسلام آباد میں میڈیا سے گفتگو میں ان کا کہناتھاکہ آئی جی سندھ اور ڈی جی رینجرز نے کراچی کی صورتحال پر بریفننگ دی تھی،امجد صابری قتل اور اویس شاہ اغوا کیس میں سے ایک پر بڑی پیشرفت کرلی ہے۔
وفاقی وزیر داخلہ کا کہناتھاکہ کراچی میں اسٹریٹ کرائم کنٹرول کرنے پر توجہ دے رہے ہیں،امجد صابری قتل اور اویس علی شاہ کے اغوا کے دو واقعات میں سے ایک کے حل کے قریب پہنچ گئے ہیں۔
چوہدری نثار کا کہناتھاکہ رینجرز کو اختیارات دہشت گردی، اغوا برائے تاوان اور ٹارگٹ کلنگ سمیت 4 جرائم سے نمٹنے کے لیے دیا گیا تھا،شہر میں اسٹریٹ کرائم میں بہت زیادہ اضافہ ہوا،جس سے نمٹنا رینجرز کی نہیں پولیس کی ذمہ داری ہے۔
فرمان الہی
نماز کے اوقات
