فرمان الہی
نماز کے اوقات
ایرانی وزیر خارجہ عباس عراقچی نے کہا ہے کہ سپریم لیڈر آیت اللّٰہ علی خامنہ ای کا قتل کسی بھی تنازع اور تصادم کو مزید خطرناک بنادے گا۔
عرب میڈیا کو دیے گئے انٹرویو میں عباس عراقچی نے کہا کہ کسی ملک کے رہنما کو غیرملکی فوجوں کے ہاتھوں قتل کروانا عالمی قانون کی بدترین خلاف ورزی ہے۔
انہوں نے کہا کہ سپریم لیڈر کا قتل کسی بھی تنازع اور تصادم کو مزید خطرناک بنا دے گا، خامنہ ای صرف ایران کے نہیں امت مسلمہ کے مذہبی رہنما تھے۔
ایرانی وزیر خارجہ نے مزید کہا کہ سپریم لیڈر کی شہادت پر ایران کے علاوہ پاکستان اور عراق میں احتجاجی مظاہرے ہوئے ہیں۔
ان کا کہنا تھا کہ اپنے دفاع کے لیے ہماری کوئی حد یا حدود نہیں ہیں، ہمارے فوجی یونٹ پہلےکی طے کردہ گائیڈلائن کے مطابق آزادانہ طور پر کام کر رہے ہیں۔
عباس عراقچی نے یہ بھی کہا کہ یہ جنگ امریکا اسرائیل کو اچھے نتائج نہیں دے گی، امریکا اسرائیل کو نہ اب، نہ آئندہ کسی جنگ سے کچھ حاصل ہوگا، جب تک بھی ضروری ہوا، ہم مزاحمت جاری رکھیں گے۔
