پنجاب میں کابینہ کی تشکیل دو مراحل میں ہو گی

پنجاب میں کابینہ کی تشکیل دو مراحل میں ہو گی، پہلے مرحلے میں 16 رکنی کابینہ تشکیل دی جائے گی۔

ذرائع کے مطابق 16 رکنی کابینہ کی تشکیل پر ن لیگ اور اتحادیوں کی مشاورت مکمل ہو گئی ہے۔

پنجاب کابینہ میں بیگم ذکیہ شاہنواز، مریم اورنگزیب، خواجہ سلمان رفیق، خواجہ عمران نذیر، بلال یاسین، مجتبیٰ شجاع الرحمٰن، خضر حسین مزاری، منشاء اللّٰہ بٹ اور عاشق کرمانی میں شامل ہوں گے۔

اس کے علاوہ نعیم خان بھابھہ، عظمیٰ بخاری، فیصل ایوب، شیر علی گورچانی، احمد خان لغاری، راحیلہ خادم حسین اور سبطین بخاری بھی کابینہ کا حصہ ہوں گے۔

پیپلز پارٹی کو بجٹ کے بعد پنجاب کابینہ میں 3 وزارتیں دیے جانے کا امکان

پیپلز پارٹی دوسرے مرحلے میں پنجاب کابینہ میں شامل ہو گی، پیپلز پارٹی کو بجٹ کے بعد پنجاب کابینہ میں 3 وزارتیں دیے جانے کا امکان ہے۔

ذرائع کا کہنا ہے کہ دوسرے مرحلے میں 7 سے 10 وزراء کو پنجاب کابینہ میں شامل کیا جائے گا، دوسرے مرحلے میں ملک آصف، اختر بوسال، یاور زمان، فدا حسین، ملک تنویر، اسلم ملک، اسد کھوکھر کابینہ میں شامل ہوں گے۔

دوسرے مرحلے میں فرخ جاوید، سلمان نعیم، ق لیگ کے شافع حسین اور آئی پی پی کے غضنفر چھینہ کابینہ میں شامل ہوں گے۔