فرمان الہی
نماز کے اوقات
بھوجپوری ٹی وی انڈسٹری کی اداکارہ آنچل تیواری اور گلوکار چھوٹو پانڈے ایک خوفناک روڈ حادثے میں ہلاک ہو گئے۔
بھارتی میڈیا رپورٹس کے مطابق بہار کے کیمور ضلع کے جی ٹی روڈ پر دیوکالی گاؤں کے قریب اتوار کی شام کو پیش آنے والے ایک خوفناک روڈ حادثے میں 9 افراد اپنی جانوں سے ہاتھ دھو بیٹھے جن میں اداکارہ آنچل اور گلوکار چھوٹو پانڈے بھی شامل تھے۔
پولیس کا بتانا ہے کہ یہ حادثہ ٹرک، وین اور موٹر سائیکل کے آپس میں ٹکراؤ کے سبب پیش آیا۔
متاثرین میں بھوجپوری ستارے بھی شامل:
خوفناک روڈ حادثے کے متاثرین میں بھوجپوری انٹرٹینمنٹ انڈسٹری کی قابل ذکر شخصیات بھوجپوری گلوکار چھوٹو پانڈے، بھوجپوری اداکارہ آنچل تیواری اور سمرن شریواستو بھی شامل تھیں۔
دوسری جانب ریاست بہار کے وزیر اعلیٰ نتیش کمار نے اپنے سوشل میڈیا اکاؤنٹ ایکس (ٹوئٹر) کے ذریعے اس افسوسناک واقعے پر اپنے دکھ کا اظہار کیا ہے۔
وزیر اعلیٰ نتیش کمار کا کہنا ہے کہ کیمور ضلع میں پیش آنے والے المناک سڑک حادثے نے مجھے بہت دکھ پہنچایا ہے۔
