فرمان الہی
نماز کے اوقات
پاکستان مسلم لیگ ن کے رہنما اور اسپیکر قومی اسمبلی کے لیے نامزد سردار ایاز صادق نے کہا ہے کہ مولانا فضل الرحمان کے پاس ووٹ کے سلسلے میں حاضر ہوئے تھے، ہم سیاسی جدوجہد میں اکٹھے رہے ہیں۔
اسلام آباد میں اتحادی رہنماؤں کی سربراہ جے یو آئی مولانا فضل الرحمان سے ملاقات ہوئی۔ ملاقات کے بعد اتحادی رہنماؤں نے میڈیا سے گفتگو کی۔
اس موقع پر ایاز صادق کا کہنا تھا کہ مولانا فضل الرحمان کے ہم سے نہیں حالات پر تحفظات ہیں۔ ہم نے مولانا سے درخواست کی کہ حکومت سازی میں ہمارا ساتھ دیں۔
انہوں نے کہا کہ مولانا فضل الرحمان سے درخواست کی کہ صدر، وزیراعظم، اسپیکر اور دیگر عہدوں کے لیے ووٹ دیں۔
ایاز صادق کا کہنا تھا کہ مولانا کے تحفظات ہیں اور ہم یہ تحفظات دور کریں گے۔
انہوں نے مزید کہا کہ مولانا فضل الرحمان سے ملاقاتیں جاری رہیں گی، مولانا فضل الرحمان سوچ کر ہمیں جواب دیں گے۔
