فرمان الہی
نماز کے اوقات
جماعت اسلامی پاکستان کے نائب امیر لیاقت بلوچ نے کہا ہے کہ وزیراعظم شہباز شریف کی تقریر میں اعتماد نہیں تھا۔
لاہور سے جاری بیان میں لیاقت بلوچ نے کہا کہ وزیر اعظم شہباز شریف کے خطاب سے جعلی مینڈیٹ جھلک رہا تھا۔
انہوں نے کہا کہ وزیراعظم شہباز شریف کی تقریر میں اعتماد نہیں تھا۔ اب مرکز اور صوبوں میں حکومتیں بن چکی ہیں، عوام اپنے مسائل کا حل چاہتے ہیں۔
لیاقت بلوچ نے مزید کہا کہ مسلم لیگ ن، پیپلز پارٹی، ایم کیو ایم پاکستان اور تحریک انصاف خرابیوں کی ذمّے دار ہیں۔
ان کا کہنا تھا کہ ان چاروں جماعتوں کے قائدین صرف باتیں کرتے ہیں، عمل کے میدان میں ان کا دامن خالی ہے۔
نائب امیر جماعت اسلامی نے یہ بھی کہا کہ عوام کےلیے بجلی، گیس اور پیٹرول کی قیمتیں ناقابلِ برداشت ہوچکی ہیں۔
