.....اور کٹہرا بول اُٹھا

آج کا اخبار

ادارتی صفحہ

09 مارچ ، 2024

پاکستان کی سب سے بڑی عدالت سپریم کورٹ نے 45سال پہلے اپنے ہی کئے گئے ایک فیصلے کو متنازع قرار دے دیا ہے۔یہ فیصلہ جناب ذوالفقار علی بھٹو کے مقدمہ قتل کے بارے میں ہے۔ جس میں انہیں اپنے ایک سیاسی حریف کے والد نواب احمد خان کے قتل کے مبیّنہ جُرم میں سزائے موت سنائی گئی تھی۔ یہ مقدمہ جن حالات اور انداز میں چلایا گیا وہ شروع سے ہی کافی مشکوک تھا ۔ اس لیے دنیا کے ممتاز ماہرین قانون نے اسے جناب بھٹو کا عدالتی قتل قرار دیا تھا۔ جس کا مقصد فوجی ڈکٹیٹر جنرل ضیاء کی طرف سے بھٹو صاحب کو اپنے راستے سے ہٹانا تھا۔ جنکی عوامی مقبولیت جنرل ضیاء کے اقتدارکیلئے بہت بڑا خطرہ بن چکی تھی۔

دوسری طرف امریکی سامراج بھی جنرل ضیاء کی پُشت پناہی کر رہا تھا کیونکہ وہ بھٹو کی سامراج مخالف پالیسیوں سے خائف تھا ۔ وہ بھٹو کی پاکستان کو ایٹمی قوّت بنانے اور فرانس سے ری پروسیسنگ پلانٹ کے معاہدے پر بھی اپنی شدید ناراضی کا اظہار کرتے ہوئے جناب بھٹو کو عبرتناک مثال بنانے کی دھمکی دے چکا تھا۔ ان تمام حالات میں پاکستان کی اعلیٰ عدلیہ نے حق و انصاف کا ساتھ دینے کی بجائے ایک آئین شکن ڈکٹیٹر کا ساتھ دیا اور قائدِ عوام جناب ذوالفقار علی بھٹو کے عدالتی قتل پر مہر ِ تصدیق ثبت کر دی ۔ اس عدالتی قتل کا اہم ترین پہلو یہ تھا کہ عوام کی عظیم اکثریت نے یکطرفہ ریاستی پروپیگنڈے کے باوجود اس عدالتی فیصلے کو تسلیم نہ کیا اور جناب بھٹو کو قاتل کی بجائے ایک قومی ہیرو کا درجہ دیتے رہے۔ جسکا اظہار انہوں نے جناب بھٹو کی پھانسی کے 11سال بعد ہونے والے عام انتخابات میں تما متر ریاستی دھاندلی کے باوجود پیپلز پارٹی کی کامیابی کے ذریعے کیا۔

مولانا عبدالکلام آزاد نے 1922میں مقدمہ بغاوت ِ ہند میں انگریز مجسٹریٹ کے سامنے اپنے ایک بیان میں کہا تھا کہ یہ عدالت کا کٹہرا بھی کیا عظیم الشان جگہ ہے ۔ جہاں حضرت عیسیٰ ؑجیسے پیغمبر اور دوسری طرف معروف قاتل اور ڈاکو ایک ساتھ کھڑے کئے گئے جہاں عیسیٰؑ کو مصلوب کرنے اور مجرم کو رہا کرنے کا حکم جاری ہوا۔ تاریخ میں سب سے زیادہ نا انصافیاں میدان ِ جنگ کے بعد عدالتوں کے ایوانوں میں ہوئیں ۔ لیکن وقت کی عدالت سے اوپر ایک تاریخ کی عدالت بھی ہے جس کا فیصلہ حتمی فیصلہ ہوتا ہے۔ لیکن اس فیصلے کے آنے میں کئی صدیاں درکار ہوتی ہیں۔

جناب ذوالفقار علی بھٹو کے عدالتی قتل کے صرف 44سال کے بعد آنے والے اس فیصلے نے نہ صرف اس حقیقت کو ثابت کر دیا کہ وقت کی عدالت کے اوپر ایک تاریخ کی عدالت بھی ہوتی ہے بلکہ ایک نئی حقیقت بھی آشکار کردی ہے کہ آج وقت کی رفتار اس قدر تیز ہو چکی ہے کہ تاریخ کی عدالت کے فیصلے اب صدیوں میں نہیں ،برسوں میں سامنے آرہے ہیں۔ جناب بھٹو کی شہادت کے فوراً بعد میں نے اسی موضوع پر ایک نظم لکھی تھی جس میں اس فیصلے کی پیش گوئی کی گئی تھی ۔مجھے خوشی ہے کہ تاریخ کی عدالت کا فیصلہ میں نے اپنی زندگی میں ہی سُن لیا ہے ۔ وہ نظم آپکی خدمت میں پیش ہے۔

اِک روز کٹہرا بولے گا

ہر ایک عدالت میں یارو

اِک چیز کٹہرا ہوتی ہے

یہ چیز بھی کیسی یکتا ہے

یہ ہنستی ہے نہ روتی ہے

اس ایک کٹہرے نے اب تک

کیا کیا نہیں منظر دیکھے ہیں

منصور سے مجرم دیکھے ہیں

سُقراط سے منکر دیکھے ہیں

یاں صوفی سنت بھی پہنچے ہیں

غدّار بھی اس پر آئے ہیں

آزادی کے متوالوں نے بھی