لاشوں کی وجہ سے ہم بد صورت ہوگئے، اسرائیل نے غزہ کے بچوں کی مسکراہٹیں چھین لیں

غزہ میں اسرائیلی جنگ نے معصوم بچوں کے چہروں کی مسکراہٹیں چھین لیں۔

غزہ سے انخلا کرنے والی بچی نے اپنا درد بیان کرتے ہوئے کہا کہ اسرائیل جنگ سے پہلے وہ بہت خوبصورت تھی لیکن اب وہ بد صورت ہوگئی ہے۔

فلسطینی بچی نے کہا کہ جنگ نے سب کو برباد کردیا، غزہ میں نہ بجلی ہے نہ کھانا اور نہ آٹا تو غزہ واپس کیوں جایا جائے۔

غزہ میں قحط سے شہید بچوں کی تعداد 27 ہو گئی

غزہ میں قحط سے شہید بچوں کی تعداد 27 ہو گئی۔ غزہ سٹی سے وزارت اطلاعات کے مطابق اسرائیلی حملوں میں شہید صحافیوں کی تعداد 133 تک پہنچ گئی۔ فلسطینی وزارت اطلاعات کے مطابق 7 ہزار افراد ملبے میں دبے ہیں یا لاپتہ ہیں۔

بچی نے کہا کہ میں خوبصورت تھی، میرا چہرہ کھلا کھلا تھا، لاشوں کی وجہ سے ہم بد صورت ہوگئے، جنگ نے ہم سب کو برباد کر دیا۔

فلسطینی بچی نے یہ بھی کہا کہ جب ہم غزہ میں تھے تو وہاں شدید حملے ہوئے، لیکن جب ہم یہاں آئے تو ہمیں یہاں بھی اچھا محسوس نہیں ہو رہا، میں واپس نہیں جاؤں گی، وہاں نہ بجلی ہے نہ کھانا نہ آٹا، میں واپس کیوں جاؤں گی؟