سکھر(بیورو رپورٹ) سکھر کے نزدیک باغائی بھٹہ لنک روڈ پر رات گئے ڈاکوؤں کی لوٹ مار کی کوشش کو پولیس نے ناکام بنادیا، پولیس اور ڈاکوؤں کے درمیان مقابلے میں ایک ڈاکو پنہل میرانی زخمی ہوگیا جس کے قبضے سے اسلحہ برآمد کر لیا گیا، پولیس ترجمان کے مطابق ایس ایس پی سکھر امجد احمد شیخ کو خفیہ اطلاع ملی تھی کہ تین ڈاکو سکھر کے نزدیک باغائی بھٹہ لنک روڈ پر واردات کی نیت سے موجود ہیں جس پر ایک پولیس پارٹی تشکیل دی گئی، پولیس پارٹی موقع پر پہنچی تو ڈاکوؤں نے فائرنگ کردی،پولیس نے بھی جوابی فائرنگ کی جس کے نتیجے میں پنہل میرانی نامی ڈاکو زخمی حالت میں گرفتار ہوا ہے جس کے قبضے سے ٹی ٹی پستول اور گولیاں برآمد کی گئی ہیں جبکہ اس کے دوساتھی فرار ہوگئے جن کی گرفتاری کے لئے پولیس پارٹی روانہ کردی گئی ہے، ایس ایس پی سکھر امجد احمد شیخ نے تمام تھانہ انچارجز کو عیدالفطر کے موقع پر مکمل طور پر الرٹ رہنے کی ہدایت کرتے ہوئے کہا ہے کہ ڈکیتی لوٹ مار، چوری کی وارداتوں کو روکنے کے لئے تھانوں کی حدود میں گشت کو بڑھایا جائے اور جرائم پیشہ عناصر پر کڑی نظر رکھی جائے۔ پولیس کے مطابق فرار ہونیوالے دو ڈاکوؤں کو بھی جلد گرفتار کر لیا جائے گا۔زخمی ڈاکو کے خلاف مقدمہ درج کر کے تفتیش شروع کردی گئی ہے۔
فرمان الہی
نماز کے اوقات
