-
فرمان الہی
-
نماز کے اوقات
- ہفتہ 18؍شوال المکرم 1445ھ27؍اپریل 2024ء
- بانی: میرخلیل الرحمٰن
- گروپ چیف ایگزیکٹووایڈیٹرانچیف: میر شکیل الرحمٰن
فرمان الہی
نماز کے اوقات
پاکستان شوبز انڈسٹری کے معروف اداکار سمیع خان نے گزشتہ سال کے ایک مشکل سفر کی داستان سنا دی۔
سمیع خان نے حال ہی میں ایک نجی ٹی وی شو میں بطور مہمان شرکت کی جہاں اُنہوں نے مختلف موضوعات پر دلچسپ گفتگو کی۔
اُنہوں نے انکشاف کیا کہ میں گزشتہ سال ماہِ رمضان میں کراچی سے لاہور جانے کے لیے سفر کر رہا تھا تو فلائٹ کے دوران تمام مسافروں کو بتایا گیا کہ راستے میں موسم صاف ہے لیکن لاہور میں طوفان ہے تو شاید تھوڑی پریشانی کا سامنا کرنا پڑے۔
اداکار نے بتایا کہ جہاز کو لاہور کے قریب پہنچتے ہی بہت زیادہ ہنگامہ خیزی کا سامنا کرنا پڑا اور جب جہاز لاہور ائیر پورٹ پر رن وے پر بس لینڈ ہونے ہی والا تھا تو اس میں عجیب سی آواز آئی پھر جہاز میں میرے ساتھ جو صاحب کھڑکی کے پاس بیٹھے تھے اُنہوں نے ایک نظر باہر دیکھنے کے بعد کہا کہ جہاز کے ٹائر نہیں کُھلے۔
اُنہوں نے کہا کہ اپنے برابر میں بیٹھے صاحب کی یہ بات سننے کے بعد میں نے کہا کہ اب ہم لوگ صرف کلمہ ہی پڑھ سکتے ہیں پھر جہاز وہاں لینڈ ہونے کی بجائے واپس اُوپر کی جانب پرواز کر گیا اور اس وقت جہاز میں موجود تمام مسافر کلمہ پڑھ رہے تھے اور سب کو یہی لگ رہا تھا کہ بس اب موت ہمارے سر پر ہے۔
سمیع خان نے مزید بتایا کہ میں اس وقت صرف یہ دعا کر رہا تھا کہ بس اب یہ دوبارہ یہاں جہاز کو لینڈ کرنے کی کوشش نہ کریں کیونکہ لاہور کا موسم بہت خراب تھا اور پھر وہی ہوا پائلٹ نے اعلان کیا کہ یہاں جہاز کو لینڈ کرنا کافی خطرناک ہے اس لیے ہم اسلام آباد جا رہے ہیں جس کے بعد جہاز کو اسلام آباد ایئر پورٹ پر لینڈ کیا گیا۔
