• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

اب آصف زرداری کو صدارتی استثنیٰ حاصل ہے، پارک لین ریفرنس میں وکیل کے دلائل

تازہ ترین
قومی خبریں
19 مارچ ، 2024
صدرِ مملکت آصف علی زرداری—فائل فوٹو
صدرِ مملکت آصف علی زرداری—فائل فوٹو

اسلام آباد کی احتساب عدالت میں صدرِ مملکت آصف علی زرداری کے خلاف پارک لین ریفرنس کی سماعت کے دوران ان کے وکیل فاروق ایچ نائیک نے دلائل پیش کیے۔

صدرِ پاکستان آصف علی زرداری کے خلاف کیس کی سماعت احتساب عدالت کے جج ناصر جاوید رانا نے کی۔

صدرِ مملکت آصف زرداری کے وکیل فاروق ایچ نائیک احتساب عدالت میں پیش ہو گئے۔

آصف زرداری، نواز شریف، یوسف گیلانی کیخلاف توشہ خانہ گاڑیوں کا کیس، نیب سے رپورٹ طلب

اسلام آباد کی احتساب عدالت نے صدرِ مملکت آصف علی زرداری، سابق وزرائے اعظم میاں نواز شریف، یوسف رضا گیلانی اور دیگر کے خلاف توشہ خانہ گاڑیوں کے کیس میں نیب سے آئندہ سماعت پر رپورٹ طلب کر لی۔

صدر آصف زرداری کے وکیل فاروق ایچ نائیک نے دلائل دیتے ہوئے کہا کہ آصف زرداری صدرِ پاکستان منتخب ہو گئے ہیں۔

انہوں نے اپنے دلائل میں یہ بھی کہا کہ اب آصف زرداری کو صدارتی استثنیٰ حاصل ہے، ان کے خلاف کیس کی کارروائی آگے نہیں بڑھائی جا سکتی۔

احتساب عدالت نے کیس کی سماعت 17 اپریل تک ملتوی کر دی۔

قومی خبریں سے مزید