فرمان الہی
نماز کے اوقات
غزہ سٹی میں الشفا اسپتال کی ہولناک تفصیلات سامنے آ گئیں۔
غیر ملکی میڈیا کے مطابق اسرائیل نے بدترین جنگی جرائم کے بعد عالمی ادارۂ صحت کی ٹیم کو الشفا اسپتال کی رسائی دے دی جس کے بعد وہاں کی ہولناک تفصیلات سامنے آئی ہیں۔
عالمی ادارۂ صحت کی ٹیم کے مطابق الشفا اسپتال اب محض کھوکھلی عمارت ہے جس میں قبریں ہیں، اسپتال میں دل دہلا دینے والے مناظر ہیں۔
ڈبلیو ایچ او کی ٹیم کا کہنا ہے کہ بعض لاشوں کے ہاتھ پاؤں زمین سے باہر ہیں، لاشوں کے سڑنے اور بدبو کا منظر ہولناک ہے۔
عالمی ادارہ صحت کی ٹیم کے مطابق کم از کم 5 لاشیں کھلے آسمان اور دھوپ تلے ہیں، موت پر عزت انسانیت کا اہم ترین تقاضہ سمجھا جاتا ہے۔
عالمی ادارۂ صحت کی ٹیم کا کہنا ہے کہ نظامِ صحت کی ریڑھ سمجھا جانے والا الشفا اسپتال اور اس کے اثاثے راکھ کا ڈھیر بن چکے ہیں۔
