راولپنڈی (وسیم اختر،سٹاف رپورٹر)راولپنڈی کرکٹ سٹیڈیم میں پاکستان اور نیوزی لینڈکے مابین 3ٹی 20میچوں کے لئے سکیورٹی انتظامات کرلئے گئے۔راولپنڈی پولیس کے 4ایس پیز، 17اے ایس پیزاورڈی ایس پیز،58 انسپکٹرز، پی سی کی 100 ریزروز سمیت مجموعی طور پر4ہزار 6سو30 پولیس ملازمین 15اپریل سے 21اپریل تک سکیورٹی ڈیوٹی سرانجام دیں گے۔راولپنڈی کرکٹ سٹیڈیم جہاں 17ہزارکے قریب تماشائیوں کے بیٹھنے کی گنجائش ہے ،کرکٹ سٹیڈیم کے اردگرد کی عمارتوں پر ماہر نشانہ باز تعینات کئے جائیں گے جب کہ سٹیڈیم میں آنے والے تماشائیوں کوسرچنگ کرنے کے بعد داخلے کی اجازت دی جائے گی ،دونوں ٹیموں کو ہوٹل سے لانے اور جانے کے لئے سپیشل روٹس لگائے جائیں گے جب کہ شمس آباد،فیض آباد،رحمٰن آباد،سسکتھ روڈ ،میٹروسٹیشن بندرہیں گے ۔
فرمان الہی
نماز کے اوقات
