راولپنڈی (سٹاف رپورٹر)راولپنڈی کے مختلف علاقوں میں شہری 10موٹرسائیکلوں ،طلائی زیورات ،موبائل فونز،نقدی ،مویشیوں اور دیگراشیاء سے محروم ہوگئے ،8افرادسے جھپٹا مار کران کے موبائل چھین لئے گئے۔تھانہ وارث خان کے علاقہ میں 3نامعلوم ملزمان آصف خان سے موبائل،تھانہ بنی کے علاقہ نیشنل مارکیٹ میں 2موٹرسائیکل سوار عبدالصمد سے موبائل ،تھانہ نیوٹاؤن کے علاقہ سیونتھ روڈ پر 2موٹر سائیکل سوار محمدطیب الرحمٰن سے موبائل، ساڑھے چار ہزارروپے ،شناختی کارڈ،اے ٹی ایم کارڈ اور لائسنس ،تھانہ صادق آباد کے علاقہ میں غوثیہ چوک کے قریب 2موٹرسائیکل سوارمحمدعدیل سےموبائل اور5ہزارروپے ،تھانہ روات کے علاقہ بحریہ فیز8میں سیدہ نیہا حسن اپنی دوست علینہ کے گھر کے باہر گاڑی میں اس کا انتظار کر رہی تھی کہ اچانک 2 موٹر سائیکل سوار اس کا موبائل اور علینہ کا بیگ چھین کر لے گئے بیگ میں 10ہزار روپے، شناختی کارڈ ،ڈیبٹ کارڈ اورکریڈٹ کارڈ تھا۔ وارداتیں اسلحہ کی نوک پر ہوئیں۔ عسکری 11میں ملک شہزاد اقبال کے گھر سے 6لاکھ روپے ،سونا مالیتی2 لاکھ روپے اورگھڑی مالیتی 50ہزار روپے، ڈھوک کوکارہ ٹیکسلامیں محمد اسحا ق کے گھر سے تالے توڑ کر 2لاکھ 10ہزارروپے اور سونا مالیتی2لاکھ روپے،لوسر شرفومیں نصیر کی 6 بکریاں مالیتی 5لاکھ روپے ،بحریہ فیز8میں حماد خان کے گھر کے تالے توڑ کر5تولہ طلائی زیورات ، چاندی 4 تولہ ،2لیپ ٹاپ ، ایک پی سی کمپیوٹر، 5 طلائی انگوٹھیاں ، ایک ڈائمنڈ انگوٹھی اور ایک لاکھ روپے ،ادھوال میں چودھری مظہر حسین کی زرعی زمین سے میزائل موٹر معہ کیبل تار مالیتی ایک لاکھ 20ہزارروپے چوری کرلی گئی ۔
فرمان الہی
نماز کے اوقات
