کراچی: رولر کوسٹر سے گرنے والا بچہ دورانِ رائیڈ بیلٹ کھول کر کھڑا تھا، ویڈیو سامنے آ گئی

عید الفطر کے دوسرے روز کراچی کے سفاری پارک میں رولر کوسٹر سے بچے کے گرنے کی سی سی ٹی وی فوٹیج سامنے آ گئی۔

اس حوالے سے ڈائریکٹر سفاری پارک امجد زیدی کا کہنا ہے کہ بچہ رائیڈ کے دوران بیلٹ کھول کر کھڑا تھا۔

انہوں نے بتایا کہ لوگوں نے بچے کو منع کیا لیکن وہ نہ مانا اور اس نےبیلٹ نہیں باندھی۔

مذکورہ ویڈیو میں بچے کو رولر کوسٹرمیں کھڑے دیکھا جا سکتا ہے، رولر کوسٹر کے دوسرے راؤنڈ میں بچہ جھولے سے گرا۔

پولیس کا کہنا ہے کہ واقعے کی تفتیش جاری ہے، بچے نے ایس او پیز فالو نہیں کیے تھے۔