بانی پی ٹی آئی اور اہلیہ پھر جھوٹے ثابت ہوگئے، طلال چوہدری

پاکستان مسلم لیگ (ن) کے سینیٹر طلال چوہدری نے کہا ہے کہ بانی پی ٹی آئی اور اُن کی اہلیہ ایک بار پھر جھوٹے ثابت ہوگئے۔

بشریٰ بی بی کی میڈیکل رپورٹ سامنے آگئی

بانی پاکستان تحریک انصاف (پی ٹی آئی)عمران خان کی اہلیہ بشریٰ بی بی کے چیک اپ کی میڈیکل رپورٹس جیو نیوز کو موصول ہوگئیں۔

جیو نیوز کے پروگرام نیا پاکستان میں گفتگو کے دوران طلال چوہدری نے کہا کہ طبی رپورٹس آنے کے بعد بانی پی ٹی آئی اور ان کی اہلیہ ایک بار پھر جھوٹے ثابت ہوگئے۔

انہوں نے کہا کہ پی ٹی آئی ہو، بانی یا عارضی چیئرمین یا کارکن، جھوٹ ان کا ٹریڈ مارک بن چکا ہے۔

ن لیگی سینیٹر نے مزید کہا کہ نجی اسپتال سے سرکاری خرچ پر ہونے والے طبی معائنے کی رپورٹ نے ان کی کہانی کو جھوٹ ثابت کردیا۔

اسمبلیاں بیچی گئیں، سیاستدان ہمیشہ استعمال ہوئے، فضل الرحمان

جمعیت علماء اسلام ( جے یو آئی) ف کے سربراہ مولانا فضل الرحمان نے کہا ہے کہ اس بار اسمبلیاں بیچی اور خریدی گئی ہیں،سیاست دانوں کو ہمیشہ استعمال کیا گیا ۔

اُن کا کہنا تھا کہ مولانا فضل الرحمان بہت بڑے سیاستدان ہیں، ہمیں معاملات پر بیٹھ کر بات کرنی چاہیے۔

طلال چوہدری نے یہ بھی کہا کہ سینئر سیاست دانوں کو تحریکوں کے بجائے بیٹھ کر معاملات کا حل نکالنا چاہیے۔

انہوں نے کہا کہ ہمیشہ معاملات تحاریک سے حل نہیں ہوتے، مولانا ہمارے ساتھ بیٹھ کر چلیں جیسے ماضی میں رہے ہیں۔

بشریٰ بی بی کا چیک اپ مکمل، سب جیل منتقل

بانی تحریک انصاف پاکستان (پی ٹی آئی) عمران خان کی اہلیہ بشریٰ بی بی کا چیک اپ مکمل کرلیا گیا۔

ن لیگی سینیٹر نے کہا کہ سینیٹر عرفان صدیقی پارٹی قائد نواز شریف کے بہت قریبی ہیں، انہوں نے جو بھی کہا ٹھیک کہا۔

اس سے قبل وزیر اطلاعات پنجاب عظمیٰ بخاری نے کہا تھا کہ تین ہفتوں سے زہر کا واویلا مچایا ہوا تھا، بشریٰ بی بی نے بلڈ ٹیسٹ کےلیےخون کے نمونے دینا ہی مناسب نہیں سمجھا، یہ تھا وہ زہر جس کے لیے 3 روز سے خیبر پختونخواہ حکومت سولی پرلٹکی ہوئی تھی۔