فرمان الہی
نماز کے اوقات
کراچی (جنگ نیوز) سینئر اداکار شہزاد نواز نے بتایا ہے کہ شوبز انڈسٹری میں آنے کے بعد سے اب تک کئی یادگار کردار ادا کرچکاہوں تاہم ایک کردار ایسا بھی ملا تھا جب مجھے ایک ملک کا صدر بنایا گیا اور پھر میں وہاں تبدیلی لایا۔ اِن خیالات کا اظہار اُنہوں نے ”جیونیوز“ کے شو ”ہنسنا منع ہے“ میں گفتگو کرتے ہوئے کیا۔ میزبان تابش ہاشمی نے پوچھا جس کردار میں ڈھل کر آپ تبدیلی لائے، یہ بتائیں اس سیریل میں آپ ”جیل“ گئے تھے یا نہیں؟ یہ سنتے ہی پورا ہال قہقہوں سے گونج اُٹھا۔ شہزاد نواز کا مزید کہنا تھا کہ ہمارے سیاستدانوں کی جیبیں بہت بڑی لیکن دِل بہت چھوٹے ہیں۔ سینئر اداکار کی قہقہوں سے بھر پور گفتگو ناظرین اتوار کی شب 11 بجکر5 منٹ پر دیکھ سکیں گے۔
