• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

غزہ سے متعلق پاکستان کے اصولی موقف کو سراہتا ہوں، ایرانی صدر ابراہیم رئیسی

تازہ ترین
قومی خبریں
23 اپریل ، 2024
فوٹو بشکریہ سوشل میڈیا
فوٹو بشکریہ سوشل میڈیا

ایرانی صدر ابراہیم رئیسی نے کہا ہے کہ اسرائیل سے جنگ میں فلسطینی کامیاب ہوں گے، غزہ سے متعلق پاکستان کے اصولی موقف کو سراہتا ہوں، اپنی قوم اور اپنے مجاہدوں پر بہت ناز ہے۔

ایران کے صدر ابراہیم رئیسی آج اسلام آباد سے لاہور پہنچے، وزیراعلیٰ پنجاب مریم نواز نے علامہ اقبال ایئرپورٹ پر ایرانی صدر کا پرتپاک استقبال کیا اور مہمانوں کو لاہور آمد پر خوش آمدید کہا۔

سینئر صوبائی وزیر مریم اورنگزیب، سینیٹر پرویز رشید، وزیر اطلاعات عظمیٰ زاہد بخاری، وزیر خزانہ مجتبیٰ شجاع الرحمٰن سمیت دیگر حکام ایئرپورٹ پر موجود تھے۔

اس موقع پر ایرانی قونصل جنرل مہران مواحدفر اور دیگر حکام بھی موجود تھے۔

ایرانی صدر نے مزار اقبال آمد پر گفتگو میں کہا کہ پاکستانیوں اور ایرانیوں کے دل ہمیشہ جڑے رہیں گے، پاکستان آکر اجنبیت کا بالکل احساس نہیں ہوا۔

انہوں نے کہا کہ پاکستان کے لوگوں کو سلام پیش کرتا ہوں، علامہ اقبال نےپیغام دیا کہ کیسےجبر کےخلاف کھڑا ہونا ہے۔

انہوں نے کہا کہ اسرائیل سے جنگ میں فلسطینی کامیاب ہوں گے، غزہ سے متعلق اصولی مؤقف پر پاکستان کو سراہتے ہیں، 

ایران کی شاعرِ مشرق علامہ اقبال سے عقیدت مندی

برادر اسلامی ملک ایران اور پاکستان صرف مذہبی و ثقافتی بنیادوں پر ہی ایک جیسے نہیں ہیں بلکہ ان دونوں ممالک میں ایک اور چیز یعنی شاعرِ مشرق ڈاکٹر سر علامہ محمد اقبال سے عقیدت مندی بھی مشترکہ ہے۔

 ایرانی صدر نے کہا کہ پاکستان آکر اجنبیت کا بالکل احساس نہیں ہوا، پاکستان کے لوگوں میں ایران کے ساتھ خاص وابستگی پائی جاتی ہے، پاکستان کے لوگوں کو سلام پیش کرتا ہوں، پاکستان اور ایران کے دل ہمیشہ ایک ساتھ جڑے رہیں گے۔

انہوں نے کہا کہ علامہ اقبال کی شخصیت ہمارے لیے بہت اہم ہے، علامہ اقبال نے پیغام دیا کہ کیسے استعمار کے خلاف کھڑے ہونا ہے۔

ایرانی صدر کا کہنا تھا کہ پاکستان میں عوامی جلسے سے خطاب کرنا چاہتا تھا، کچھ وجوہات کی وجہ سے عوامی جلسے سے خطاب ممکن نہ ہو پایا۔

واضح رہے کہ ابراہیم رئیسی کی لاہور آمد پر آج شہر میں عام تعطیل ہے۔

ایرانی صدر ابراہیم رئیسی کی کراچی آمد کے موقع پر شہر میں تیاریاں

ایران کے صدر ابراہیم رئیسی کی کراچی آمد کے موقع پر شہر میں مختلف قسم کی تیاریاں کی گئی ہیں۔

لاہور میں آج سرکاری و نجی ادارے بند ہیں، ایرانی صدر کے آنے پر شہر کی مخصوص سڑکیں بند رکھی جائیں گی۔

ایران کے صدر ابراہیم رئیسی دورۂ لاہور کے بعد کراچی جائیں گے جہاں وہ بانی پاکستان قائداعظم محمد علی جناح کے مزار پر حاضری دیں گے۔

واضح رہے کہ ایران کے صدر کل سے پاکستان کے دورے پر ہیں۔

قومی خبریں سے مزید