جو نام بانی پی ٹی آئی دیں گے وہی چیئرمین پی اے سی ہو گا، عمر ایوب

قومی اسمبلی میں اپوزیشن لیڈر عمر ایوب نے کہا ہے کہ پارٹی کا مؤقف ہے جو نام بانی پی ٹی آئی دیں گے وہی چیئرمین پی اے سی ہو گا۔

اسلام آباد میں صحافیوں سے گفتگو کرتے ہوئے عمر ایوب نے کہا کہ بانی پی ٹی آئی نے شیر افضل مروت کو چیئرمین پی اے سی بنایا۔

چیئرمین پی اے سی کے نام پر پارٹی کے اپنے رہنماؤں نے غلط بیانی کی، شیر افضل مروت

بانی پی ٹی آئی نے ان رہنماؤں کی چال انہیں پر الٹ دی، رہنما تحریک انصاف

انہوں نے کہا کہ ہر جگہ برملا کہا کہ شیر افضل مروت کو چیئرمین پی اے سی ہونا چاہیے۔

عمر ایوب کا کہنا ہے کہ پبلک اکاؤنٹس کمیٹی کی چیئرمین شپ اپوزیشن کی ہوتی ہے۔

واضح رہے کہ گزشتہ روز پاکستان تحریکِ انصاف (پی ٹی آئی) کے رہنما شیر افضل مروت نے کہا تھا کہ پبلک اکاؤنٹس کمیٹی کے نام پر پارٹی کے اپنے رہنماؤں نے غلط بیانی کی۔