پشاور (نیوزڈیسک )سپیکر خیبر پختونخوا اسمبلی اسد قیصر اور ڈپٹی سپیکر ڈاکٹر مہرتاج روغانی نے کہا ہے کہ عبدالستار ایدھی کے انتقال سے ملک ایک عظیم شخصیت سے محروم ہوگیا ہے۔اپنے اپنے علیحدہ علیحدہ تعزیتی پیغامات میں انہوں نے کہا کہ عبدالستار ایدھی پاکستان کے حقیقی ہیرو سرمایہ اور اثاثہ تھے اور عالمی سطح پر ایک پہنچا ن رکھتے تھے۔ انہوں نے کہا کہ عبدالستار ایدھی زندگی اور کارہائے نمایاں ہم سب کیلئے ایک مثال ہے انہوں نے کہا کہ کہ وہ محسن پاکستان بلکہ فخر پاکستان ہے۔سپیکر اسد قیصر اور ڈپٹی سپیکر ڈاکٹر مہرتاج روغانی نے کہا کہ ان کی تعزیت کیلئے مناسب الفاظ نہیں مل رہے انہوں نے مرحوم کی مغفرت اور پسماندگان کیلئے صبر جمیل کی بھی دعا کی۔دریں اثناءسپیکر صوبائی اسمبلی اسد قیصر نے عبدالستار ایدھی کی روح کے ایصال ثواب کیلئے بدھ 13جولائی کی صبح اسمبلی سیکرٹریٹ میں قرآن خوانی کا اعلان کیا ہے۔ قرآن خوانی میں صوبائی وزراء اور اراکین اسمبلی کے علاوہ اسمبلی ملازمین بھی شرکت کرینگے۔
فرمان الہی
نماز کے اوقات
