حکومت کسانوں، گندم کے مسئلے پر بہت فکر مند ہے، احسن اقبال

وزیر منصوبہ بندی احسن اقبال کا کہنا ہے کہ حکومت کسانوں کے گندم کے مسئلے کے بارے میں بہت فکر مند ہے،  وزیراعطم شہباز شریف  نے پاسکو کو گندم خریداری کا ہدف بڑھانے کی ہدایت کی ہے۔

 جیو نیوز سے گفتگو کرتے ہوئے احسن اقبال نے کہا کہ کسانوں کا گندم خریداری سے متعلق مسئلہ بہت اہم ہے، نگران حکومت نے گندم درآمد کی جب پاکستان کے اپنے غلے بھرے ہوئے تھے۔

وزیراعظم کو لاعلم رکھ کر 98 ارب کی گندم درآمد کی گئی، ذرائع

گندم درآمدی اسکینڈل کی تحقیقات کے معاملے میں اب یہ بات بھی سامنے آئی ہے کہ نئی حکومت آنے کے بعد بھی 98 ارب 51 کروڑ روپے کی گندم درآمد کی گئی۔

احسن اقبال نے کہا کہ سپلائی زیادہ ہونے سے گندم کی مارکیٹ کے نرخ کریش کر گئے۔

انہوں نے کہا کہ وزیراعظم نے گندم کی درآمد کے معاملے پر تحقیقات کا حکم دیا ہے، وسائل کے مطابق کسانوں کو ریلیف دینے کی کوشش کر رہے ہیں۔