• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

الجزیرہ بند کرنے کا اسرائیلی فیصلہ مجرمانہ ہے، چینل انتظامیہ

تازہ ترین
بین الاقوامی خبریں
05 مئی ، 2024
تصویر سوشل میڈیا۔
تصویر سوشل میڈیا۔

قطر کے الجزیرہ ٹیلی ویژن چینل پر اتوار کو اسرائیلی حکام کی جانب سے چھاپہ مارنے اور وہاں سے سامان زبردستی اٹھا کر لیجانے کے حوالے سے چینل انتظامیہ کا کہنا ہے کہ اسرائیل میں الجزیرہ نیٹ ورک بند کرنے کا وقت ابھی نہیں بتایا گیا ہے۔ 

الجزیرہ چینل انتظامیہ نے اسرائیلی فیصلے کو مجرمانہ اقدام اور انسانی حقوق کی خلاف ورزی قرار دے دیا۔

مقبوضہ بیت المقدس: الجزیرہ چینل کے دفتر پر اسرائیلی حکام کا چھاپہ، سامان ضبط

مقبوضہ بیت المقدس میں الجزیرہ چینل کے دفتر پر اسرائیلی حکام نے چھاپا مارا۔ مقبوضہ بیت المقدس سے عرب میڈیا کے مطابق اسرائیلی وزیر مواصلات نے کہا کہ الجزیرہ کے دفتر سے سامان ضبط کرلیا ہے، واضح رہے کہ الجزیرہ کا دفتر ہوٹل ایمبیسڈر میں واقع ہے۔

الجزیرہ کے بیورو چیف کا کہنا ہے کہ اسرائیل کا فیصلہ خطرناک اور سیاسی ہے، اسرائیلی فیصلے کے خلاف قانونی چارہ جوئی کےلیے الجزیرہ کی لیگل ٹیم کام کر رہی ہے۔

اس سے قبل یہ کہا گیا تھا کہ اسرائیل میں قطر کے ٹی وی چینل الجزیرہ کو بند کرنے کا فیصلہ کیا گیا ہے۔ وزیراعظم نیتن یاہو کی کابینہ نے اسکی منظوری دے دی۔

دریں اثنا عرب میڈیا کے مطابق غزہ جنگ میں فلسطین کی حمایت پر اسرائیل نے الجزیرہ چینل کو قومی سلامتی کےلیے خطرہ قرار دیا۔

بین الاقوامی خبریں سے مزید