شہزادہ ولیم اور کیٹ مڈلٹن بہت مشکل وقت سے گزر رہے ہیں: شاہی اسٹائلسٹ کا انکشاف

06 مئی ، 2024

برطانوی شہزادہ ولیم اور ان کی اہلیہ کیٹ مڈلٹن کی اسٹائلسٹ امایا اریٹا نے انکشاف کیا ہے کہ شاہی جوڑا اس وقت بہت مشکل وقت سے گزر رہا ہے۔

امایا اریٹا جو پچھلے طویل عرصے سے شہزادہ ولیم اور کیٹ مڈلٹن کے بچوں کی اسٹائلسٹ ہیں، اُنہوں نے کیٹ مڈلٹن کی صحت کے حوالے سے اپنے حالیہ انٹرویو میں تشویش کا اظہار کیا ہے۔

اُنہوں نے کہا کہ میں اس وقت دل شکستہ ہوں، مجھے لگتا ہے کہ شاہی جوڑا بہت برے وقت سے گزر رہا ہے لیکن مجھے امید ہے کہ وہ جلد ہی اپنی معمول کی زندگی کی طرف واپس آئیں گے۔

امایا اریٹا نے شہزادہ ولیم اور کیٹ مڈلٹن کے بارے میں کسی بھی قسم کی معلومات کو ظاہر کرنے سے گریز کیا۔

اس لیے واضح طور پر یہ نہیں کہا جا سکتا کہ کیٹ مڈلٹن کی کیموتھراپی مکمل ہوگئی یا ابھی بھی جاری ہے لیکن امایا اریٹا اس اظہارِ تشویش سے یہ اندازہ بخوبی لگایا جا سکتا ہے کہ برطانوی شاہی محل کی صورتحال کافی پریشان کن ہے۔

بین الاقوامی خبریں سے مزید