• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

حماس نے اسرائیل کو غزہ پر جنگیں مسلط کرنے کے تمام مواقع فراہم کیے، محمود حباش

تازہ ترین
بین الاقوامی خبریں
06 مئی ، 2024
محمود حباش( فائل فوٹو)۔
محمود حباش( فائل فوٹو)۔

فلسطینی صدر کے مشیر محمود حباش نے کہا ہے کہ اسرائیل کے ساتھ حماس بھی رفح کی صورتحال کی ذمہ دار ہے۔ 

رام اللّٰہ میں العربیہ ٹی وی سے گفتگو کرتے ہوئے محمود حباش نے کہا کہ حماس نے اسرائیل کو غزہ کی پٹی پر جنگیں مسلط کرنے کے تمام مواقع اور وجوہات فراہم کیں۔ 

انھوں نے کہا کہ غزہ کے عوام حماس کے ہاتھوں یرغمال بنے ہوئے ہیں۔

فلسطینی صدر کے مشیر نے کہا کہ غزہ کے عوام حماس کی احمقانہ مہم جوئی کی بھاری قیمت ادا کرنے پر مجبور ہیں۔ حماس کو قیدیوں سے زیادہ اپنی بقاء کی فکر لاحق ہے۔ 

محمود حباش نے کہا کہ اسرائیل حماس کو جڑ سے ختم نہیں کرنا چاہتا۔ 

انھوں نے کہا کہ سمجھ نہیں آتی کہ غزہ کی مکمل تباہی کے بعد حماس رفح آپریشن کیلئے تیاری کا دعویٰ کیسے کر رہی ہے۔

بین الاقوامی خبریں سے مزید