فرمان الہی
نماز کے اوقات
غزہ میں اسرائیلی مظالم کے خلاف طلبہ کا احتجاج جاری ہے، لندن اور امریکا کی یونیورسٹیز کے طلبہ بڑی تعداد میں مظلوم فلسطینیوں کے حق میں نکل پڑے۔
لندن کی جامعات میں طلبا نے احتجاجی کمیپوں میں قیام کیا، سو ایس یونیورسٹی میں کیمپ کا نام ’آزاد علاقہ‘ جبکہ یونیورسٹی کالج لندن میں کیمپ کا نام ’رفح کیمپس‘ رکھ دیا گیا۔
امریکہ کی ہارورڈ یونیورسٹی کی عمارت کا ہال اسرائیلی فوج کی فائرنگ سے شہید صحافی شیریں ابو عاقلہ کے نام کر دیا گیا۔
اسپین میں ہزاروں افراد نے فلسطینیوں سے اظہار یکجہتی کرتے ہوئے صہیونیوں فلسطینی سرزمین چھوڑ دو کے نعرے لگائے۔
جاپان میں سیکڑوں افراد نے انتفاضہ مارچ کیا، ٹوکیو میں مظاہرین نے نسل کشی بند کرو کے نعرے لگائے۔
سوئیڈن میں موسیقی کے عالمی مقابلے ’یورو ویژن سانگ‘ کے موقع پر فلسطینی حامیوں نے مظاہرہ کرتے ہوئے فلسطین آزاد کرو کے نعرے لگائے۔
