فرمان الہی
نماز کے اوقات
بھارتی کرکٹ ٹیم کے کپتان ویرات کوہلی اور ان کی اہلیہ، اداکارہ انوشکا شرما نے پاپرازی فوٹو گرافرز کا شکریہ ادا کرنے کے لیے تحائف بھیجے ہیں۔
پاپرازی فوٹوگرافرز نے فوٹو اینڈ ویڈیو شیئرنگ ایپ انسٹاگرام پر ان تحائف کی ایک ویڈیو شیئر کی جو اُنہیں ویرات کوہلی اور انوشکا شرما کی جانب سے موصول ہوئے ہیں۔
ان تحائف کے ساتھ ایک نوٹ بھی موجود ہے جس پر لکھا ہے کہ’ہمارے بچوں کی پرائویسی کا احترام کرنے اور اس حوالے سے ہمیشہ ہمارے ساتھ تعاون کرنے کے لیے آپ کا شکریہ!‘
ویرات کوہلی اور انوشکا شرما کی جانب سے پاپرازی فوٹو گرافرز کو موصول ہونے والے تحائف میں ایک پاؤچ، ایک سمارٹ واچ اور دیگر گیجٹس شامل ہیں۔
یہ ویڈیو سوشل میڈیا پر وائرل ہوگئی ہے اور صارفین کی جانب سے اس پر دلچسپ تبصرے بھی کیے جا رہے ہیں۔
صارفین کا کہنا ہے کہ یہ تحائف بہت سوچ سمجھ کربھیجے ہیں کیونکہ تمام تحائف فوٹو گرافرز کے لیے بہت مفید ہیں۔
