فرمان الہی
نماز کے اوقات
تیل کی قیمتوں میں کمی کے بعد وزیراعلیٰ پنجاب مریم نواز شریف نے ٹرانسپورٹ کرایوں میں کمی یقینی بنانے کا حکم دیدیا۔
وزیراعلیٰ پنجاب مریم نواز شریف نے تمام اضلاع میں انتظامیہ کو کرایوں میں کمی پر عملدرآمد یقینی بنانے کی ہدایت جاری کر دیں۔
انکا کہنا تھا کہ پٹرولیم مصنوعات کے نرخ میں کمی کا فائدہ براہ راست عوام کو پہنچنا چاہیے۔ ٹرانسپورٹ کے کرائے اشیائے خور و نوش سمیت تمام دیگر اشیاء کے نرخ پر اثر انداز ہوتے ہیں۔ ٹرانسپورٹ کرائے کم کر کے عوام کو ریلیف دیں گے۔
علاوہ ازیں وزیر اعلیٰ پنجاب مریم نواز شریف کی زیر صدارت اہم اجلاس ہوا جس میں ٹرانسپورٹ ڈپارٹمنٹ سے متعلق امور کا جائزہ لیا گیا۔ مریم نوازشریف نے لاہور میں ایک سرے سے دوسرے سرے تک ٹرانسپورٹ کا 5 سالہ پلان طلب کر لیا۔
انھوں نے لاہور میں پرپل اور بلیو لائن ٹرین کےلئے بہترین انٹرنیشنل کنسلٹنٹ سے رجوع کرنے کی ہدایت بھی کی۔
اس موقع پر مریم نواز شریف کو صوبے بھر میں 630 ایکو فرینڈلی بسوں کے بارے میں تفصیلی بریفنگ دی گئی اور بتایا گیا کہ لاہور کےلیے 200 ایکو فرینڈلی ڈیزل ہائی برڈ بسیں لائی جارہی ہے۔
بریفنگ میں مزید بتایا گیا کہ لاہور میں 100 الیکٹرک بسیں پائلٹ پراجیکٹ کے طور پر چلائی جائیں گی۔ ملتان کے لیے 100، راولپنڈی 78، بہاولپور 42 اور فیصل آباد میں 110 ایکو فرینڈلی بسیں لائی جارہی ہے۔
اس موقع پر سیکرٹری ٹرانسپورٹ احمد جاوید قاضی نے طلبا کے لئے بائیکس پروجیکٹ پر تفصیلی بریفنگ دی۔
انھوں نے کہا چیف منسٹر یوتھ انیشیٹیو بائیکس کی ای بیلٹنگ کے بعد اسکروٹنگ شروع کردی گئی ہے۔
وزیر اطلاعات عظمیٰ زاہد بخاری، صوبائی وزیر ٹرانسپورٹ بلال اکبر خان، چیف سیکرٹری، سیکرٹری ٹرانسپورٹ، سیکرٹری ہائر ایجوکیشن، کمشنر لاہور، ڈی جی ایل ڈی اے اور دیگر حکام بھی اس اجلاس میں موجود تھے۔
