عاطف اسلم کے گانوں کا بارش سے دلچسپ تعلق

24 مئی ، 2024

عالمی شہرت یافتہ پاکستانی گلوکار عاطف اسلم نے اپنے گانوں کے بارش کے ساتھ دلچسپ تعلق کا انکشاف کیا ہے۔

عاطف اسلم نے حال ہی میں اپنی سحر انگریز آواز میں ڈرامہ سیریل’جینٹل مین‘ کا اوریجنل ساؤنڈ ٹریک ’تمہاری چُپ‘ ریکارڈ کروایا ہے جسے صارفین کی جانب سے بہت پسند کیا جا رہا ہے۔

اب اس حوالے سے گلوکار کا ایک خصوصی انٹرویو بھی لیا گیا ہے جس میں اُنہوں نے بتایا کہ ان کا یہ اوریجنل ساؤنڈ ٹریک ریکارڈ کروانے کا تجربہ کیسا رہا۔

عاطف اسلم نے بتایا کہ جب میں نے یہ گانا ریکارڈ کروایا تو اس وقت بارش ہو رہی تھی اس لیے مجھے یقین تھا کہ یہ گانا لوگوں کو پسند آئے گا۔

اُنہوں نے انکشاف کیا کہ میں نے یہ بات نوٹ کی ہے کہ جب بھی میں بارش کے دوران کوئی گانا ریکارڈ کرواتا ہوں تو وہ گانا ہٹ ہوتا ہے۔

انٹرٹینمنٹ سے مزید