15 دن بعد بتاؤں گا صوبہ کس کا؟ بٹن کس کا؟ بجلی کس کی ہے؟ وزیر اعلیٰ کے پی علی امین گنڈا پور

وزیرِ اعلیٰ خیبر پختون خوا علی امین گنڈاپور کا کہنا ہے کہ بجلی کی لوڈ شیڈنگ کے ذمے داروں کو عوام مسترد کر دیں، اپنا حق لینا ہم جانتے ہیں، 15 دن بعد بتاؤں گا کہ صوبہ کس کا ہے؟ بٹن کس کا ہے؟ بجلی کس کی ہے؟

’جیو نیوز‘ سے گفتگو کرتے ہوئے وزیرِ اعلیٰ خیبر پختون خوا علی امین گنڈاپور نے کہا کہ ہم ان کے پابند یا غلام نہیں ہے، ان کے رویے سے ہمیں کوئی فرق نہیں پڑ رہا۔

ان کا کہنا ہے کہ ہم اپنی اصلاحات کر رہے ہیں، معیشت کو خود بہتر بنائیں گے، یہ ہمیں نہیں بلا رہے، ایس آئی ایف سی میں ہم ان کو سپورٹ کر رہے ہیں۔

خیبر پختون خوا کابینہ کا اجلاس، بجٹ تجاویز منظوری کیلئے پیش

پشاور میں وزیرِ اعلیٰ خیبر پختون خوال علی امین گنڈا پور کی زیرِ صدارت کابینہ کا اجلاس جاری ہے جس میں بجٹ تجاویز منظوری کے لیے پیش کی گئی ہیں۔

وزیرِ اعلیٰ خیبر پختون خوا علی امین گنڈا پور کا کہنا ہے کہ بجٹ عوام دوست ہو گا، ہم میں اتنی اہلیت ہے کہ اپنے وسائل بروئے کار لا سکتے ہیں، ہماری تیاری مکمل ہے اس لیے وفاق سے پہلے بجٹ پیش کر رہے ہیں۔

انہوں نے مزید کہا ہے کہ اپنے صوبے کے شیئر پر ہم بالکل سمجھوتہ نہیں کریں گے، اگر انہیں لگتا ہے کہ ہمارے پاس ڈائریکٹ انویسٹر نہیں آئے گا تو یہ ان کی خام خیالی ہے۔

وزیرِ اعلیٰ خیبر پختون خوا علی امین گنڈاپور نے یہ بھی کہا ہے کہ ہم ان سے زیادہ انویسٹرز لا سکتے ہیں، اگر انہیں ہماری ضرورت نہیں تو ہمیں بھی ضرورت نہیں، ہماری تیاری مکمل ہے اس لیے وفاق سے پہلے بجٹ پیش کر رہے ہیں۔