دنیا عالمی عدالت کے فیصلے پر عمل کروائے، وزیراعظم شہباز شریف

وزیراعظم شہباز شریف نے عالمی عدالت انصاف کے فیصلے کا خیر مقدم کرتے ہوئے کہا کہ عالمی برادری رفح میں اسرائیلی آپریشن روکنے کے عالمی عدالت کے فیصلے پر فوری عمل کروائے۔

اپنے بیان میں وزیراعظم نے کہا کہ رفح میں آپریشن روکنے سے دنیا میں امن کی راہ ہموار ہوگی۔

عالمی عدالت انصاف کا اسرائیل کو رفح میں فوری طور پر آپریشن روکنے کا حکم

عالمی عدالت انصاف ( آئی سی جے) نے اسرائیل کو فوری طور پر رفح میں آپریشن روکنے کا حکم دے دیا۔

وزیراعظم نے مظلوم انسانیت کیلئے پٹیشن دائر کرنے پر جنوبی افریقہ کو خراج تحسین پیش کیا۔

شہباز شریف نے کہا کہ فیصلے کے مطابق اقوام متحدہ کے تحقیقاتی کمیشن کو غزہ اور رفح میں رسائی دی جائے، راستے کھولنے، غذائی اور طبی امداد کی فوری فراہمی کے فیصلے پر عملدرآمد کروایا جائے۔