پی ٹی آئی سیکریٹریٹ سیل کرنے پر مزاحمت، عامر مغل کی ضمانت منظور، رہائی کا حکم

25 مئی ، 2024

اسلام آباد کی انسداد دہشت گردی عدالت نے پی ٹی آئی رہنما عامر مغل کی سی ڈی اے اور پولیس اہلکاروں کو دھمکی دینے کے کیس میں ضمانت منظور کر لی۔

انسداد دہشت گردی عدالت کے جج طاہر عباس سِپرا نے عامر مغل کی ضمانت منظور کرتے ہوئے رہائی کا حکم دے دیا۔

عامر مغل کی جانب سے سردار مصروف اور علی بخاری نے دلائل دیے تھے۔

واضح رہے کہ پی ٹی آئی کے مرکزی سیکریٹریٹ کو سیل کرنے کے موقع پر مزاحمت کرنے پر انسداد دہشت گردی کا مقدمہ اسلام آباد کے تھانہ کراچی کمپنی میں علاقہ مجسٹریٹ محمد سجاد کی مدعیت میں 7 اے ٹی اے سمیت دیگر دفعات کے تحت درج کیا گیا تھا۔

مقدمے میں پی ٹی آئی اسلام آباد کے رہنما عامر مغل کو نامزد کیا گیا تھا جنہیں پی ٹی آئی کے مرکزی سیکریٹریٹ کے باہر سے گرفتار کر لیا گیا تھا۔

قومی خبریں سے مزید