• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

گورنر پنجاب کا ہتک عزت بل پر اسٹیک ہولڈرز سے مزید مشاورت کا اعلان


گورنر پنجاب سردار سلیم حیدر سے صحافتی تنظیموں کی جوائنٹ ایکشن کمیٹی کے عہدیداران نے ملاقات کی۔ ہتک عزت بل پر گورنر نے اسٹیک ہولڈرز سے مزید مشاورت کا اعلان کردیا۔

صحافتی نمائندوں نے ہتک عزت بل کے بارے میں تحفظات سے آگاہ کرتے ہوئے  گورنر پنجاب کو بتایا کہ ہتک عزت بل آزادی اظہار کا گلا دبانے کی کوشش ہے۔

 گورنر پنجاب نے ہتک عزت بل پر تمام اسٹیک ہولڈرز سے مزید مشاورت کا اعلان کرتے ہوئے کہا کہ مشاورت کے بغیر بل پر دستخط نہیں کروں گا، بل پر پہلے بھی مشاورت ہونی چاہیے تھی۔

 رہنما پیپلز پارٹی سید حسن مرتضیٰ نے کہا کہ پیپلز پارٹی اس حالت میں موجودہ بل کو سپورٹ نہیں کرتی، میڈیا کے ساتھ کھڑی ہے۔

گورنر ہاؤس میں ہونے والی ملاقات میں نوید کاشف، ارشد انصاری، کاظم خان، ارشاد عارف، حافظ طارق محمود، امتنان شاہد، محمد عثمان بھی  شریک تھے۔

قومی خبریں سے مزید