شاہ محمود کو نظریے پر کھڑا رہنے کی سزا مل رہی ہے، پی ٹی آئی

ترجمان پاکستان تحریک انصاف نے کہا ہے کہ شاہ محمود قریشی کو بانی پی ٹی آئی کے نظریے پر جم کر کھڑا رہنے کی سزا دی جا رہی ہے۔

اپنے بیان میں ترجمان نے کہا کہ شاہ محمود قریشی کی کسی بھی مقدمے میں گرفتاری کا کوئی جواز نہیں، جن مقدمات میں گرفتاری ڈالی گئی ان میں عدالت نے انہیں ضمانت دے رکھی ہے۔

شاہ محمود قریشی 9 مئی کے 8 مقدمات میں گرفتار

لاہور پولیس نے پاکستان تحریک انصاف ( پی ٹی آئی) سینئررہنما شاہ محمود قریشی کو 9 مئی کے 8 مقدمات میں گرفتار کرلیا۔

ترجمان پی ٹی آئی کے مطابق اس ظالمانہ حرکت کے خلاف ہر ممکن کارروائی کریں گے۔

واضح رہے کہ لاہور پولیس نے پی ٹی آئی کے سینئر رہنما شاہ محمود قریشی کو 9 مئی کے 8 مقدمات میں گرفتار کرلیا ہے۔

لاہور پولیس کی خصوصی ٹیم شاہ محمود قریشی کی گرفتاری کے لیے اڈیالہ جیل راولپنڈی پہنچی تھی۔