• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

اسرائیل تسلیم کرے کہ وہ فلسطینی ریاست کے وجود کے بغیر قائم نہیں رہ سکتا، سعودی وزیر خارجہ

تازہ ترین
بین الاقوامی خبریں
27 مئی ، 2024
فائل فوٹو
فائل فوٹو

سعودی وزیر خارجہ فیصل بن فرحان نے کہا ہے کہ اسرائیل تسلیم کرے کہ وہ فلسطینی ریاست کے وجود کے بغیر قائم نہیں رہ سکتا۔

ایک بیان میں فیصل بن فرحان نے کہا کہ اسرائیل کا فلسطینی ریاست کے وجود کو تسلیم کیا جانا ضروری ہے۔

انہوں نے کہا کہ دو ریاستی حل فلسطین اور اسرائیل دونوں کے مفاد میں ہے۔

فیصل بن فرحان کا کہنا ہے کہ فریقین کو فوری مذاکرات کرنے چاہئیں، غزہ کے لوگ زیادہ انتظار نہیں کر سکتے۔

واضح رہے کہ گزشتہ دنوں آئرلینڈ، ناروے اور اسپین نے فلسطینی ریاست کو تسلیم کرنے کا اعلان کیا تھا۔

فلسطینی مزاحمتی تحریک حماس نے یورپی ملکوں آئرلینڈ، اسپین اور ناروے کی جانب سے فلسطینی ریاست کو تسلیم کرنے کے فیصلے کا خیر مقدم کیا تھا۔

یہ بھی پڑھیے

حماس نے کہا تھا کہ ہم ناروے، آئرلینڈ اور اسپین کے فلسطینی ریاست تسلیم کرنے کے اعلان کا خیر مقدم کرتے ہیں،  آئرلینڈ، اسپین اور ناروے کا فیصلہ آزاد فلسطینی ریاست کے قیام کے لیے اہم قدم ہے۔

دوسری جانب اسرائیل نے آئرلینڈ، ناروے اور اسپین کے اعلان پر ردعمل میں کہا تھا کہ اس اقدام پر خاموش نہیں بیٹھیں گے۔

اسرائیل نے کہا تھا کہ فلسطینی شہروں جنین اور نابلس کے قریب یہودی آباد کاروں کو بسایا جائے گا۔

اسرائیلی وزیر دفاع نے اعلان کیا تھا کہ صنور، گنیم کی قدیم بستیوں کی جانب یہودیوں کو رہائش فراہم کی جائے گی۔

بین الاقوامی خبریں سے مزید