سونم باجوہ فواد خان کے ذکر پر شرما گئیں

بھارتی پنجاب فلم انڈسٹری کی معروف اداکارہ و ماڈل سونم باجوہ نے پاکستانی اداکار و سپر ماڈل فواد خان سے ایک بار پھر آن اسکرین محبت کا اظہار کیا ہے۔

سونم باجوہ کا سوشل میڈیا پر ایک مختصر سا کلپ وائرل ہے جس میں وہ پاکستان کے خوبرو اداکار و ماڈل فواد خان کے ذکر پر شرماتے ہوئے دکھائی دے رہی ہیں۔

سونم باجوہ کے شرمانے پر میزبان نے پاکستانی اداکار فواد خان کو بھارتی پنجاب کا ’جیجا‘ (بہنوئی) قرار دے دیا۔

کلپ میں سونم باجوہ کا شرماتے اور ہنستے ہوئے کہنا ہے کہ اگر فواد خان کو یہ علم ہو گیا تو وہ بہت شرمندہ محسوس کریں گے۔

میزبان کی جانب سے فواد خان سے متعلق پوچھے گئے سوال کے جواب میں سونم کا کہنا ہے کہ فواد خان  میرے ہمیشہ سے کرش رہے ہیں، وہ میرے کیا سب لڑکیوں کے کرش ہیں، میں اُن پر فدا ہوں اور رہوں گی۔

اس پر میزبان کا کہنا ہے کہ اُنہیں فواد خان بھارتی فلم ’خوبصورت‘ میں بہت اچھے لگے تھے۔

اگر فواد خان شادی شدہ نہ ہوتے تو اُنہیں ڈیٹ کرنا چاہتی، بھارتی اداکارہ

بھارتی اداکارہ سونم باجوہ نے پاکستانی اسٹار فواد خان کے بارے میں اپنے جذبات کا اظہار کرتے ہوئے کہا کہ اگر فواد شادی شدہ نہ ہوتے تو وہ ان کے ساتھ ڈیٹ پر جانا چاہتیں۔

اس پر سونم باجوہ نے کہا کہ وہ مجھے ہر روپ، ہر پروجیکٹ میں بہت پسند آئے ہیں۔

یاد رہے کہ سونم باجوہ اس سے قبل ماضی میں بھی فواد خان کے لیے اپنی محبت کا اظہار کر چکی ہیں۔

ایک انٹرویو کے دوران اداکارہ سونم باجوہ کا کہنا تھا کہ اِن کے دل میں جو پاکستانی اداکار فواد خان کی جگہ ہے وہ کوئی اور اداکار کبھی نہیں لے سکتا۔