اعظم خان گوجرانوالہ کے اکھاڑے میں ٹریننگ کریں، ان کو مکمل فٹ کر دیں گے، انعام بٹ

قومی ریسلر رستمِ پاکستان انعام بٹ نے قومی کرکٹر اعظم خان کو 3 ماہ میں فٹ کرنے کا دعویٰ کردیا۔

اپنے بیان میں انعام بٹ نے کہا کہ پاکستانی ٹیم کے کھلاڑی اعظم خان 3 ماہ گوجرانوالہ کے اکھاڑے میں ٹریننگ کریں، ان کو مکمل فٹ کر دیں گے۔

ٹی ٹوئنٹی ورلڈ کپ، اعظم خان بھارت کے خلاف میچ سے آؤٹ

پاک بھارت ٹاکرے کے لیے پاکستان کے گیارہ کھلاڑی فائنل کر لیے گئے ہیں، عماد وسیم کو اعظم خان کی جگہ ٹیم میں جگہ ملے گی۔

قومی ریسلر نے کہا کہ ٹریننگ سے اعظم خان کا وزن بھی 30 سے 35 کلو کم ہوجائے گا۔ ہم اعظم خان کو روزانہ 5 سے 6 گھنٹے پہلوانوں کے ساتھ ٹریننگ دیں گے۔

انعام بٹ نے مزید کہا کہ ٹریننگ کے ساتھ اعظم خان کو اچھی ڈائٹ بھی دیں گے تاکہ ان کی طاقت میں کمی نہ آئے، 3 ماہ کی ٹریننگ کے بعد اعظم خان زیادہ پاور ہٹنگ اور بہترین بیٹنگ کر سکیں گے۔