فرمان الہی
نماز کے اوقات
ملک کے بیشتر اضلاع میں موسم شدید گرم اور خشک ہے، لاہور میں صبح ہوتے ہی پارہ آہستہ آہستہ بڑھنے لگا۔
لاہور میں پارہ ہر گھنٹے بڑھتا جا رہا ہے، جہاں درجۂ حرارت 43 ڈگری سینٹی گریڈ ہو گیا جبکہ گرمی کی شدت کا احساس 48 ڈگری سینٹی گریڈ ہو رہا ہے۔
محکمۂ موسمیات کے مطابق شہر میں ہوا چلنے کی رفتار 33 کلو میٹر فی گھنٹہ ہو گئی۔
محکمۂ موسمیات نے بتایا ہے کہ کل سے موسم بتدریج بدلنے کا امکان ہے، شہر میں کل ہلکی بارش متوقع ہے۔
ادھر کراچی میں زیادہ سے زیادہ درجۂ حرارت 37 ڈگری سینٹی گریڈ تک جانے کا امکان ہے جہاں رات میں بونداباندی کا امکان ہے۔
محکمۂ موسمیات کے مطابق خیبر پختون خوا میں آج سے بارشوں کا نیا سلسلہ شروع ہو گا، بارشوں کا یہ سلسلہ آئندہ 4 دن جاری رہے گا۔
محکمۂ موسمیات کے مطابق بالائی کشمیر، گلگت بلتستان، اسلام آباد، خطہ پوٹھوہار میں آندھی، جھکڑ چلنے کا امکان ہے۔
بالائی خیبر پختون خوا، کشمیر، گلگت بلتستان میں چند مقامات پر گرج چمک کے ساتھ بارش متوقع ہے۔
مری میں رات سے وقفے و قفے سے بارش کا سلسلہ جاری ہے۔
