غاصب اسرائیل کو مظالم کی قیمت چکانی ہوگی، حماس

رہائشی علاقوں پر اسرئیلی فوج کے وحشیانہ حملوں پر حماس نے ردعمل دیتے ہوئے کہا ہے کہ غاصب اسرائیل کو ہمارے لوگوں پر مظالم ڈھانے کی قیمت چکانی ہوگی۔ 

مزاحمتی تنظیم کا کہنا تھا کہ غزہ کے نہتے لوگوں کے خلاف اسرائیل نے ظالمانہ حملے جاری رکھے ہوئے ہیں، اسرائیلی فوج نے شاطئی، المواسی اور رفح میں ایک بار پھر قتل عام کیا۔ 

حماس نے کہا کہ اسرائیلی جرائم کے خلاف عالمی برادری کے مؤثر عملی اقدام کی ضرورت ہے۔

مزاحمتی تنظیم کا کہنا تھا کہ عالمی برادری عالمی قوانین کی خلاف ورزیاں، جنگی جرائم رکوانے کےلیے قابض فوج پر دباؤ ڈالے۔

حماس نے کہا کہ غاصب اسرائیل کو ہمارے لوگوں پر مظالم ڈھانے کی قیمت چکانی ہوگی۔ اسرائیلی مظالم فلسطینیوں کے عزم و حوصلے کو نہیں توڑ سکتے۔