اسکردو: گلیشیئر پگھلنے سے برگے نالے میں طغیانی، آبادی متاثر

اسکردو میں گلیشیئر پگھلنے سے برگے نالے میں آنے والی طغیانی سے آبادی متاثر ہوئی ہے۔

ضلعی انتظامیہ کے مطابق متاثرہ آبادی میں امدادی کارروائیاں جاری ہیں، برساتی نالے میں گزشتہ روز طغیانی سے 60 سے 70 مکانات میں پانی داخل ہوا تھا۔

ضلعی انتظامیہ کی جانب سے بتایا گیا ہے کہ برگے نالے میں قائم تجاوزات کے خاتمے کے لیے اقدامات کیے جا رہے ہیں۔

علاوہ ازیں کے ٹو سمیت دیگر پہاڑوں پر برف باری بھی ہوئی ہے۔

مہم جوئی کے لیے پہاڑوں پر جانے والے بیشتر کوہ پیما بیس کیمپ واپس آ گئے ہیں۔