فرمان الہی
نماز کے اوقات
غزہ شہر میں شیخ رضوان محلے میں 1 گھر پر اسرائیلی حملے میں 1 فلسطینی شہید اور 4 بچے زخمی ہو گئے۔
غیر ملکی میڈیا کے مطابق 24 گھنٹوں کے دوران غزہ شہر پر اسرائیلی حملوں میں شہید فلسطینیوں کی تعداد 24 سے زائد ہو گئی۔
میڈیا رپورٹس کے مطابق شہداء میں شاطئی کیمپ کے 20 فلسطینی بھی شامل ہیں جو نماز کے دوران اسرائیلی بم باری کا نشانہ بنے۔
علاوہ ازیں گزشتہ روز اسرائیلی فوج نے حماس کے کمانڈروں کی موجودگی کو جواز بنا کر المواصی کیمپ پر بڑا حملہ کیا تھا اور سیف زون قرار دیے گئے علاقے پر بم برسائے تھے جس میں 100 سے زائد فلسطینی شہید ہوئے تھے۔
غیر ملکی میڈیا کے مطابق بین الاقوامی سطح پر اس اسرائیلی حملے کی مذمت کی جا رہی ہے۔
دوسری جانب القسام بریگیڈ نے رفح میں اسرائیلی فوج پر حملے میں کئی اسرائیلی فوجی ہلاک یا زخمی کرنے کا دعویٰ کیا ہے۔
