ڈی آئی خان میں شہید ہونے والے پاک فوج کے 2 جوان سپردِ خاک

15 اور 16 جولائی کی درمیانی شب کِری شموزئی ڈی آئی خان میں شہید ہونے والے پاک فوج کے نائب صوبیدار محمد فاروق شہید اور سپاہی محمد جاوید اقبال کو سپردِ خاک کر دیا گیا۔

پاک فوج کے شعبۂ تعلقاتِ عامہ (آئی ایس پی آر) کے مطابق شہداء کو ان کے آبائی علاقوں میں مکمل فوجی اعزاز کے ساتھ سپردِ خاک کیا گیا۔

بنوں کنٹونمنٹ پر خودکش حملے کے شہداء سپردِ خاک

15جولائی کو بنوں کنٹونمنٹ پر خودکش حملے میں جامِ شہادت نوش کرنے والے پاک فوج کے جوانوں کو سپردِ خاک کر دیا گیا۔

شہداء کی نمازِ جنازہ اور تدفین میں پاک فوج کے سینئر افسران، جوانوں، لواحقین اور عمائدینِ علاقہ نے شرکت کی۔

آئی ایس پی آر کے مطابق سیکیورٹی فورسز ملک سے دہشت گردی کی لعنت کے خاتمے کے لیے پُرعزم ہیں، بہادر شہداء کی قربانیاں دہشتگردی کے خلاف ہمارے عزم کو مزید مضبوط کرتی ہیں۔