ججز کے خلاف مریم نواز کی بات پر توہینِ عدالت ہونی چاہیے، فیصل واوڈا، زین قریشی متفق

پاکستان تحریک انصاف (پی ٹی آئی) کے رہنما زین قریشی اور سینیٹر فیصل واوڈا نے کہا ہے کہ وزیراعلیٰ پنجاب مریم نواز نے ججز کے خلاف جو بات کی اُس پر توہینِ عدالت کی کارروائی ہونی چاہیے۔

جیو نیوز کے پروگرام کیپٹل ٹاک میں زین قریشی کا کہنا تھا کہ جو بات کی گئی اس پر توہینِ عدالت بنتی ہے، کیا توہینِ عدالت صرف پی ٹی آئی کے لیے رہ گئی ہے؟

بانی پی ٹی آئی جیل سے باہر نہیں آئیں گے، حکومت کہیں نہیں جارہی، فیصل واوڈا

سینیٹر فیصل واوڈا نے کہا کہ ملک میں آئینی بریک ڈاؤن جیسا کوئی خطرہ نہیں۔

زین قریشی نے کہا کہ کسی بھی جماعت پر پابندی لگانا اتنا آسان نہیں، پی ٹی آئی ملک کی سب سے بڑی جماعت ہے، 3 کروڑ ووٹ عوام نے بانی پی ٹی آئی کے نام پر دیا۔

پی ٹی آئی رہنما نے کہا کہ مخصوص نشستوں کا فیصلہ ان سے ہضم نہیں ہورہا، حکومت تنقید برداشت نہیں کر سکتی، 9 مئی واقعات میں ملوث کرداروں کو کیفر کردار تک پہنچائیں۔