وفاقی وزیر مصدق ملک نے بجلی سستی ہونے کی خوشخبری سنادی

وزیر پیٹرولیم مصدق ملک نے خوشخبری سنادی کہ بجلی سستی ہونے والی ہے۔

جیو نیوز کے پروگرام "کیپٹل ٹاک" میں بات کرتے ہوئے مصدق ملک نے کہا کہ فیصلہ ہوچکا ہے ملک کے 86 فیصد گھروں کی بجلی کا اضافی بوجھ حکومت برداشت کرے گی۔ اس کےلیے خزانے سے 50 ارب روپے نکال کر بجلی کے محکمے کو دے دیے ہیں۔

مفتاح اسماعیل نے پھر بجلی کے بلوں کو کم کرنے کا فارمولا پیش کردیا

حکومت کو چاہیے کہ پی ایس ڈی پی کو 965 ارب روپے تک لے آئے تو تمام صارفین کے بلوں سے ٹیکسوں کو ختم کیا جاسکتا ہے۔

وفاقی وزیر نے کہا کہ آئی پی پیز کے ایشو پر جماعت اسلامی سے مذاکرات نتیجہ خیز ہوں گے۔

پروگرام میں شریک تحریک انصاف کے رکن قومی اسمبلی جنید اکبر خان نے کہا کہ تین اراکین قومی اسمبلی نے اسپیکر قومی اسمبلی سے ملاقات کی ہے کہ ہم اپنی تنخواہ میں بجلی کا بل ادا نہیں کر سکتے۔

جنید اکبر نے کہا کہ ایم این اے کی تنخواہ ایک لاکھ 22 ہزار روپے ہے۔